شھید ملت سید کفایت علی کافی مرادآبادی

۲۲رمضان المبارک یوم شہادت پر 

شھید ملت سید کفایت علی کافی مرادآبادی

ماخوذ

تاريخِ هند سے دل چسپي ركھنے والا هر شخص جانتا هے ك جنگ آزادي 1857ئ ميں علماے اهلِ سنت اور مشايخِ طريقت كا نهايت بنيادي كردار رها هے۔ بلكه اگر يه كها جائے تو كچھ مبالغه نه هوگا كه شمالي هند ميں انگريزوں كے خلاف مسلم راے عامه هموار كرنے اور پورے خطے ميں انقلاب كي فضا برپا كرنے كا بنيادي كام انھيں كي قيادت و سربراهي ميں هوا۔ ان مجاهدين ميں علامه فضلِ حق خير آبادي﴿م1278ھ﴾، مفتي صدر الدين خاں آزرده دهلوي ﴿م1285ئ﴾،مولانا سيد احمد الله شاه مدراسي ﴿م1274ھ 1858ئ﴾ ، مفتي عنايت احمد كاكوروي ﴿م1279ھ﴾، مولانا رحمت الله كيرانوي ﴿1308ھ﴾، مولانا فيض احمد بدايوني، مولانا ڈاكٹر وزير خاں اكبر آبادي ﴿م1289ھ 1873ئ﴾، مولانا وهاج الدين مراد آبادي ﴿م1274ھ 1858ئ﴾، مولانا رضا علي خاں بريلوي ﴿م1286ھ 1869ئ﴾، مولانا امام بخش صهبائي دهلوي ﴿م1273ھ 1857ئ﴾، مفتي مظهر كريم دريابادي، حكيم سعيد الله قادري ﴿1325ھ﴾ وغيره كے انقلابي كارنامے آب زر سے لكھنے كے قابل هيں اور شهيدِ جنگ آزادي حضرت مولانا مفتي سيد كفايت علي كافي مراد آبادي عليه الرحمۃ والرضوان كا نام اس فهرست ميں بهت نماياں نظر آتا هے۔

مختصر احوالِ زندگي:آپ كا نسبي تعلق نگينه، ضلع بجنور ﴿يو پي ﴾ كے ايك معزز خانواده سادات سے تھا۔ آپ نے مراد آباد كو اپنا وطن بنا ليا تھا۔ علماے بدايوں و بريلي سے علم حاصل كيا۔ بارهويں صدي كے مجدد حضرت شاه غلام علي نقش بندي دهلوي كے خليفه اور شاه عبد العزيز محدث دهلوي﴿متوفي 1239ھ 1824ئ﴾ كے شاگرد رشيد حضرت شاه ابو سعيد مجددي رام پوري ﴿م1250ھ﴾ سے علمِ حديث كي تكميل كي۔(1) علمِ طب مولانا رحمن علي مصنف تذكره علماے هند كے والد مولانا حكيم شير علي قادري سے حاصل كيا۔ مولانا كافي پر اپنے استاذ و مربي حضرت شاه ابو سعيد مجددي كي شخصيت كا گهرا اثر تھا۔ اسي وجه سے آپ كو علمِ حديث اور تصوف سے بے حد شغف تھا، اور رسولِ اكرم صلي الله عليه وسلم كي سيرت طيبه سے عشق كي حد تك لگاو تھا۔

شعر و شاعري:آپ قادر الكلام، پُر گو اور صاحبِ دل شاعر تھے۔ شيخ امام بخش ناسخ لكھنوي كے شاگرد شيخ مهدي علي خاں ذكي مراد آبادي ﴿م1281ھ 1864ئ﴾سے شعر و شاعري ميں اصلاح ليتے تھے۔(2)

عشقِ رسول ان كي غذاے روح اور قلب كا سامانِ تسكين تھا۔ اور سچي بات تو يه هے كه عشقِ رسول كے جذبات سے جب آپ كا دل مضطرب هوتا اور فراقِ حبيب ان كي روح كا سكون و قرار چھين ليتاتو ان كے جذباتِ دروں نعتيه اشعار كا روپ دھار ليتے، اور ان كے نازك احساسات كے سرچشموں سے عشقِ نبوي سے لب ريز منظوم آبشار جاري هو جاتے۔ ان كي نظر ميں نعتِ رسول سننا اور سنانا دونوں جهان كي سعادت مندي اور فيروز بختي كا سامان هے، اور نعتِ مصطفي ميں اپني زندگي كے گراں قدر اوقات صرف كرنے والا ٫٫سعيدِ دو جهاں ٬٬ هے۔ آپ خود فرماتے هيں

     هے سعيدِ دوجهاں وه جو كوئي ليل و نهار

                                                          
نعتِ اوصافِ رسول الله كا شاغل هوا

      بس آرزو يهي دلِ حسرت زده كي هے  
                                                                                                               سنتا رهے شمائل و اوصافِ مصطفي

اسي جذبه دروں اور سوداے عشق كي كرشمه سازي تھي كه آپ كا دل زيارتِ حرمين طيبين كے ليے تڑپتا تھا۔ آپ كے ديوان ٫٫ديوانِ كافي٬٬ ميں جا به جا زيارتِ ديارِ حبيب كا شوق اپني جلوه سامانياں بكھيرتا نظر آتا هے اور ان كا طائر تخيل حجازِ مقدس كي پاكيزه اور عطر بيز فضاو ں ميں مسلسل پرواز كے ساتھ اس تمنا كا برملا اظهار كرتا نظر آتا هے كه كاش ان كے جسدِ خاكي كے بھي دن پھريں اور اسے بھي اس رشكِ جنت ، سرزمين كي آبله پائي نصيب هو۔ الله تعاليٰ نے ان كي يه تمناے شوق بھي پوري فرمائي اور 1841ئ ميں زيارتِ حرمين شريفين كا موقع عنايت فرمايا۔ آپ نے اس سفر كے متعلق ايك مثنوي بھي تحرير فرمائي جو ٫٫تجملِ دربارِ رحمت بار٬٬ كے عنوان سے منشي عبد الرحمن شاكر ، مالك مطبع نظامي، كان پوركي كوشش اور اهتمام سے چھپ كر شائع هوئي۔

سركار كے سچے جا نشين خلفاے راشدين كي شان ميں بھي آپ كے اشعار ملتے هيں۔ بطورِ نمونه درجِ ذيل اشعار نذرِ قارئين هي

   


السلام اے چار يارانِ صفا، اركانِ ديں


مجمعِ جود و حيا، صدق و عدالت، السلام


ثنا خوانِ نبي هوں اور اصحابِ نبي، كافي


ابو بكر و عمر، عثماں علي سے مجھ كو الفت هے


مجھے الفت هے يارانِ نبي سے


ابو بكر و عمر، عثماں ، علي سے


محبت ان كي هے ايمان ميرا


ميں ان كا مدح خواں هوں جان وجي سے


نعت نبوي كے كچھ اور اشعار ملاحظه هوں   


بهارِ خلد هے روے محمد  شميمِ جاں فزا بوے محمد


دلِ وحشي هے زنجيريں تُڑاتا  بشوقِ يادِ گيسوے محمد


يا الٰهي حشر ميں خير الوريٰ كا ساتھ هو


رحمتِ عالم ، محمد مصطفي كا ساتھ هو


يا الٰهي، هے يهي دن رات ميري التجا


روزِ محشر، شافعِ روزِ جزا كا ساتھ هو


بعد مرنے كے بھي، كافي  كي هے يا رب يه دعا


دفترِ اشعارِ نعتِ مصطفي كا ساتھ هو(4)

آپ كي شاعري ميں شرعي احكام كي بھر پور پاس داري نظر آتي هے، اس ليے عاشقِ رسول اعليٰ حضرت امام احمد رضا قادري بريلوي عليه الرحمۃ والرضوان آپ كي شاعري كو پسند فرماتے تھے، اور اسے شوق سے سماعت فرماتے تھے۔ جب كه آپ عام شعرا كے اشعار قصداً سماعت نهيں كرتے تھے، كيوں كه وه عموماً شرعي نزاكتوں كي رعايت سے خالي هوتے هيں۔الملفوظ ميں هے:

٫٫سوا دو كے كلام كے كسي كا كلام ميں قصداً نهيں سنتا، مولانا كافي ﴿مراد آبادي﴾ اور حسن مياں مرحوم﴿يعني استاذِ زمن مولانا حسن رضا بريلوي﴾۔ ﴿ان دونوں كا﴾ كلام اول سے آخر تك شريعت كے دائرے ميں هے ۔ البته مولانا كافي كے يهاں لفظ٫٫راعنا٬٬ كا اطلاق جا به جا هے، اور يه شرعاً محض ناروا و بے جا هے۔ مولانا كو اس پر اطلاع نه هوئي، ورنه ضرور احتراز فرماتے۔ غرض هندي نعت گويوں ميں ان دو كا كلام ايسا هے، باقي اكثر ديكھا گيا كه قدم ڈگمگا جاتا هے، اور حقيقتاً نعت شريف لكھنا نهايت مشكل هے، جس كو لوگ آسان سمجھتے هيں، اس ميں تلوار كي دھار پر چلنا هے، اگر بڑھتا هے تو الوهيت ميں پهنچا جاتا هے، اور اگر كمي كرتا هے تو تنقيص هوتي هے۔ البته حمد آسان هے كه اس ميں راسته صاف هے، جتنا چاهے بڑھ سكتا هے۔ غرض حمد ميں ايك جانب اصلاً﴿بالكل﴾ حد نهيں، اور نعت شريف ميں دونوں جانب سخت حد بندي هے۔٬٬ (5)

اعليٰ حضرت امام احمد رضا قادري بريلوي عليه الرحمه شهيدِ حريت حضرت مولانا كافي عليه الرحمه كي نعتيه شاعري سے اس قدر متاثر تھے كه انھين سلطانِ نعت گوياں اور اپنے آپ كو ان كا وزير اعظم قرار ديتے هوئے تحديثِ نعمت كے طور پر لكھتے هيں

          مهكا هے مري بوے دهن سے عالم

                                                            
ياں نغمه شيريں نهيں تلخي سے بهم

           
كافي سلطانِ نعت گوياں هے رضا

                                                            ان شائ الله ميں وزيرِ اعظم(6)

كذب و تلبيس كا ايك بد ترين نمونه:مذكوره بالا رباعي ميں اعليٰ حضرت امام احمد رضا قادري بريلوي عليه الرحمۃ والرضوان، حضرت مولانا كافي عليه الرحمۃ والرضوان كي ميدانِ نعت گوئي ميں برتري كو تسليم كرتے هوئے اور ان كي بارگاه ميں عقيدتوں كا خراج پيش كرتے هوئے تحديثِ نعمت كے طور پر كهتے هيں:

٫٫ميري نعت گوئي كے چرچے چار دانگ عالم ميں هو رهے هيں اور پوري دنيا ميں اسے شهرت و مقبوليت حاصل هوئي هے، اس طرح ميرے دهن كي خوشبو سے ايك عالم مهكا هوا هے اور نعت كے نغمه شيريں ميں ذرا بھي تلخي كي آميزش نهيں هے۔ اے رضا حضرت كافي سلطانِ نعت گوياں هيں اور الله تعاليٰ كي مشيت سے نعت گوئي ميں ميں آپ كا وزير اعظم هوں۔٬٬

كس قدر صاف اور واضح انداز ميں حضرت كافي مراد آبادي عليه الرحمۃ والرضوان كي ميدانِ نعت گوئي ميں عظمتوں كا اعتراف كيا هے اور الله تعاليٰ نے اعليٰ حضرت كو نعت گوئي ميں جو كمال اور مهارت عطا كي هے اس كا اظهار كيا هے۔ قرآن كريم ميں ارشادِ رباني هے:٫٫وَاَمَّا بِنِع مَۃِ رَبِّكَ فَحَدِّث ٬٬﴿الضحي:11﴾ اور اپنے پروردگار كي نعمت كا خوب چرچا كرو۔ اعليٰ حضرت كے پيشِ نظر يهي آيتِ كريمه هے۔

ليكن دجل و فريب اور كذب و افترا كي مجسم تصوير ديكھني هو تو معروف ديوبندي عالم مولانا خالد محمود﴿مانچسٹر، برطانيه﴾ كي كتاب٫٫مطالعه بريلويت٬٬ كا مطالعه كر لواور ديكھ لو كه معلم الملائكه كي وفادار ذريت نے كس طرح اس پاكيزه رباعي كا مفهوم مسخ كيا هے اور الله كے ولي، علامه اجل، امامِ اهلِ سنت اعليٰ حضرت عليه الرحمۃ والرضوان سے اپني اندھي دشمني كا كس طرح مظاهره كيا هے۔ الفاظ يه هيں:

٫٫مولانا احمد رضا خاں ان دنوں كن اميدوں سے تھے، اسے انھيں كي زبان ميں سنيے۔ شاعر تھے، بات اگل دي

كافي سلطانِ نعت گوياں هے رضا

ان شائ الله ميں وزيرِ اعظم

﴿سليس﴾ : اے رضا هم نعت خوانوں﴿بريلويوں﴾ كو حكومت كي سرپرستي كافي هے۔ ان شائ الله كسي نه كسي وقت ضرور وزيرِ اعظم بنوں گا۔

هم نے تاويل كرنے كي كوشش كي، هو سكتا هے شاعري كي وزارتِ عظميٰ مراد هو، مگر معلوم هوا كه شاعري ميں تو آپ اپنے آپ كو وزير نهيں، بادشاه سمجھتے تھے۔ جو شخص اپنے آپ كو بالفعل بادشاه سمجھتا هو وه وزارت كي تمنا كيسے كرے گا؟ پس ان شائ الله كے ساتھ جس وزارت كي اميد تھي وه شريف﴿مكه﴾ كي حمايت اور انگريزوں كي خدمت كے صلے ميں ملكي وزارت تھي۔٬٬(7)

كيا اس سے بڑھ كر اهل الله سے بغض و عداوت، كذب و افترا، دريده دهني اور دروغ بافي كي كوئي اور مثال هو سكتي هے۔ ليكن جس كا خدا جھوٹ بول سكتا هو اگر وه خود جھوٹ بولے تو اس سے اس كي كيا شكايت؟ مگر يه سننے كے بعد ايك مومن كي زبان سے ٫٫لعنۃ الله علي الكاذبين و المفترين٬٬ نكلنا ايك فطري بات هے۔

تصنيفات:آپ صاحبِ تصنيف بزرگ هيں۔ آپ كي تصانيف كا موضوع عموماً ذاتِ رسول، سيرتِ رسول، شمائلِ رسول اور ذكرِ رسول هوتا هے، جيسا كه آپ كي كتابوں سے واضح هے۔ درج ذيل كتابيں آپ كي يادگار هيں:

(1)بهارِ خلد: يه شمائل ترمذي شريف كا منظوم ترجمه هے(2)نسيمِ جنت (3)مجموعه چهل حديث مع تشريحِ منظوم (4)خيابانِ فردوس: يه كتاب شيخِ محقق مولانا عبد الحق محدث دهلوي عليه الرحمۃ والرضوان ﴿متوفي1052ھ﴾ كي كتاب٫٫ترغيبِ اهلِ سعادت٬٬كا منظوم ترجمه هے، كتاب كا موضوع فضائلِ درود شريف هے (5)تجملِ دربارِ رحمت بار: يه مثنوي سفرِ حرمين طيبين كے متعلق هے (6)مولودِ بهاريه (7)جذبه عشق: اس ميں ستونِ حنانه كا واقعه بڑے والهانه انداز ميں نظم كيا هے۔ (8)حليه شريف (9)وفات نامه، يه دونوں رسالے علاحده مستقل تصنيف نهيں هيں، بلكه آپ كي مذكوره بالا تصنيف بهارِ خلد سے ماخوذ هيں۔(10)اوقات نحو وصرف ۔(11)ديوانِ كافي ۔ (8)

اس فهرست سے صاف واضح هے كه آپ كي تقريباً سبھي تصنيفات منظوم هيں، جس سے اس حقيقت كا اندازه هوتا هے كه آپ كا طبعي ميلان نظم اور شعر و شاعري كي جانب زياده تھا۔

مولانا كافي شهيد عليه الرحمه كي علمي قابليت كے سلسله ميں مولانا عبد الغفور نساخ مو لف ٫٫سخن شعرا٬٬ فرماتے هيں كه مولانا كافي اپنے دور كے نعت گو شعرا ميں اپنا جواب نهيں ركھتے تھے۔ وه مستند عالمِ دين تھے۔ ان كا زياده تر وقت تصنيف و تاليف ميں گزرتا تھا۔ (9)

مولانا كافي اور تحريكِ آزادي 1857ئ:مولانا كافي عليه الرحمه نے تحريكِ آزادي 1857ئ ميں بڑي سر گرمي كے ساتھ حصه ليا۔ آپ انگريزوں سے سخت نفرت كرتے تھے اور هندستان پر ان كے ظالمانه تسلط سے حد درجه بے زار، اور انھيں يهاں سے باهر كرنے كے ليے مناسب موقع كي تلاش ميں تھے۔ اسي ليے جب 1857ئ ميں انگريزوں كے خلاف تحريكِ حريت نمودار هوئي تو آپ ان كے خلاف ميدانِ عمل ميں اتر آئے اور اس انگريز مخالف جهاد ميں پيش پيش رهے۔ اسي ليے آپ كا شمار تحريكِ آزادي 1857ئ كے صفِ اول كے مجاهدين ميں هوتا هے۔

جب مراد آباد ميں انگريزوں كي حكومت ختم هوئي اور نواب مجد الدين عرف نواب مجو خاں كي زير سركردگي آزاد حكومت قائم هوئي تو آپ كو٫٫صدر شريعت٬٬ بنايا گيا۔ آپ كي عدالت ميں مقدمات كے فيصلے شرعي احكام كے مطابق هوتے تھے۔جناب امداد صابري صاحب كا بيان هے:

٫٫انگريز مراد آباد سے بھاگ كر نيني تال اور ميرٹھ چلے گئے۔ نواب مجو خاں حاكمِ مراد آباد مقرر هو گئے۔ عباس علي خاں بن اسعد علي خاں، هندي توپ خانه كے افسر معين هوئے اور مولوي كفايت علي صاحب٫٫صدر شريعت٬٬ بنائے گئے۔ انھوں نے عوام ميں جهادي روح پھونكي، شهر ميں هر جمعه كو بعدِ نماز انگريزوں كے خلاف وعظ فرماتے، جس كا بے حد اثر هوتا تھا۔٬٬

ڈسٹركٹ گزيٹر مراد آباد ميں هے:

٫٫مسلمانوں نے من حيث القوم ضلع بھر ميں برٹش گورنمنٹ سے اپني مخالفت كو نهايت صاف اور صريح طور پر ظاهر كيا هے۔ روهيل كھنڈ كے اضلاع كي طرح مراد آباد كے ضلع ميں غيرت مذهبي اور انگريزوں كي هر بات سے نفرت كے جذبات نے مسلمانوں كو عام بغاوت پر مشتعل كيا تھا۔٬ ٬(10)

نوابِ رام پور يوسف علي خاں انگريزوں كے دوست اور حامي تھے۔ جب مراد آباد ميںنواب رام پور كو بالا دستي حاصل هوئي تو مولانا كافي نے انگريزوں كے خلاف فتوي جهاد مرتب كيا۔ اس فتوے كي نقليں مختلف مقامات پر بھجوا كر اس كي خوب نشر و اشاعت كي، بلكه كچھ مقامات پر آپ خود تشريف لے گئے۔ آنوله ضلع بريلي ميں خاص اسي مقصد كے ليے ايك هفته سے زياده قيام رها۔

حكيم سعيد الله قادري بن حكيم عظيم الله ﴿متوفي1325ھ 1907ئ﴾ آنوله ضلع بريلي ميں تحريكِ آزادي كے خاص ركن اور حاكمِ آنوله نواب كلن خاں نبيره بخشي سردار خاں كے معاون اور حامي تھے اور انگريزوں كے سخت مخالف تھے۔ حكيم صاحب حضرت شاه آل بركات مارهروي عليه الرحمه سے سلسله قادريه ميں بيعت تھے اور حضرت شاه آل احمد اچھے مياں عليه الرحمه ﴿متوفي1362ھ﴾ كے خليفه شاه ميرن مياں بريلوي سے ان كے گهرے مراسم تھے۔ مولاناكافي عليه الرحمه اور حكيم سعيد الله صاحب هم سبق ساتھي تھے۔ مولانا كافي جب انگريزوں كے خلاف فتوي جهاد كي نقليں لے كر آنوله پهنچے تو ايك هفته تك حكيم صاحب هي كے مكان پر ان كا قيام رها۔ اس دوران جهاد كے موضوع پر مولانا كي تقريريں بھي هوئيں اور نواب مجدالدين عرف مجو خاں حاكمِ مراد آباد كا پيغام بھي نواب كلن خاں كو پهنچايا۔ اس كے بعد مولانا كافي، نواب خان بهادر خاں﴿نبيره حافظ رحمت خاں روهيله﴾ كے پاس بريلي تشريف لے گئے۔ (11)

جب مولانا كافي عليه الرحمۃ والرضوان آنوله سے بريلي پهنچے تو وهاں وطن كو انگريزوں اور انگريز نوازوں كي چيره دستيوں سے محفوظ ركھنے كے ليے نواب خان بهادر خاں اور امام المجاهدين مولانا سرفراز علي صاحب سے مشورے هوئے اور پھر جنرل بخت خاں كي ماتحتي ميں جو فوج بريلي سے دهلي جا رهي تھي اُسي فوج كے ساتھ آپ مراد آباد واپس هوئے۔ (12)

سيد محبوب حسين سبزواري مراد آبادي لكھتے هيں:

٫٫جس وقت مراد آباد ميں يه خبر مشهور هوئي كه بريلي چھاو ني كي هندستاني سپاه نے بغاوت كر دي هے اس خبر كے ملنے پر 29پلٹن مقيم مراد آباد نے بغاوت كر كے سركاري خزانه اور هتھيار لوٹ ليے۔ اس كے بعد شهر ميں هنگامه برپا هو گيا اور شهر كے عوام جو انگريز كي غلامي سے ناراض تھے تلواريں كھينچ كر فخر سے نعره لگاتے هوئے سڑكوں پر نكل پڑے اور انگريزوں پر حمله كرنا اور جگه جگه تلاش كرنا شروع كر ديا۔ علما حضرات بھي اپني درس گاهوں سے نكل كر عوام كے ساتھ جهاد ميں شريك هو گئے۔ انگريز اس هنگامے سے ڈر كر ميرٹھ اور نيني تال فرار هو گئے۔

حالات كے پيشِ نظر علما حضرات نے فوري انتظام كے ليے ايك جنگي مشاورتي كميٹي قائم كي جو شهر كا انتظام بھي كرے گي اور جنگ كے ليے وسائل و ذرائع بھي فراهم كرے گي۔ اس كميٹي كے ايك ركن مولوي سيد كفايت علي كافي تھے۔ اس كميٹي نے ضلع مراد آباد كے اندر اور باهر جهاد كے فتوے تقسيم كرائے، جن ميں انگريزوں كے خلاف مسلمانوں كو جهاد كا شرعي حكم ديا گيا تھا۔ اس غير منظم جهاد كو ناكام كرنے كے ليے نواب رام پور اور كچھ مقامي غداروں كا بهت بڑا هاتھ تھا۔ اس ناكامي كے نتيجے ميں مسلمانانِ مراد آباد كو بقول سر سيد احمدخاں جس تباهي و بربادي كا سامنا كرنا پڑا وه ناقابلِ بيان هے۔

اسي دوران 29پلٹن اور جوش ميں بھرے نوجوان عوام نے باهمي مشورے سے نواب مجد الدين خاں عرف مجو خاں كو حاكمِ مراد آباد مقرر كيا، اور عباس علي خاں كو افسر توپ خانه مقرر كيا، مگر توپيں موجود نهيں تھيں، اور مولوي سيد كفايت علي كافي كو ٫٫صدر شريعت٬٬ مقرر كيا۔ علما كے فتوے نے عوام ميں هر طرف آگ بھڑكا دي تھي۔ روهيل كھنڈ ميں مسلمانوں كي برهمي كا ايك خاص سبب يه بھي تھا كه مذهب ميں مداخلت هونے لگي تھي۔٬ ٬ (13)

31 مئي كو بريلي چھاو ني ميں بغاوت كے نتيجے ميں خان بهادر خاں روهيله نبيره حافظ رحمت خاں روهيله كو روهيل كھنڈ كا نواب بنايا گيا۔ اس كے بعد كے حالات بيان كرتے هوئے سيد محبوب حسين سبزواري مراد آبادي لكھتے هيں:

٫٫اسي دوران نواب خان بهادر خاں كو ايك خط مولوي سيد كفايت علي كافي كا مراد آباد كے متعلق ملا جس ميں نواب رام پور كي قوم دشمن سرگرميوں كا تفصيل سے ذكر تھا۔ نواب صاحب نے يه خط جنرل بخت خاں كو دكھايا اور نواب رام پور كي غدارانه حركتوں سے آگاه كيا اور مراد آباد ميں رام پور كي فوجي مداخلت سے جو حالات پيدا هو چكے تھے ان كے سد باب كي گفتگو كي۔ نواب صاحب﴿خان بهادر خاں روهيله﴾ نے جنرل بخت خاں كے مشورے سے محمد شفيع رسال دار كو مع رساله مراد آباد جا كر قيام كرنے كا مشوره ديا﴿اخبار الصناديد، از حكيم نجم الغني خاں رام پوري﴾ رسال دار محمد شفيع آنوله هوتے هوئے مراد آباد پهنچے اور خود اپنے مكان ميں قيام كيا اور اپنے رساله كو جهاں اس وقت انٹر كالج محله مغل پوره ميں واقع هے ، پڑاو ڈالنے كا حكم ديا۔ دورانِ قيام ، مراد آباد كے كچھ جوشيلے جوانوں كو اپنے ساتھ شامل كر كے اپنے رساله سے ﴿فوجي﴾ تربيت دلائي، اور نمبر 29پلٹن ، مقيم مراد آباد جو باغي هو گئي تھي، اس كو بھي اپنے ساتھ شامل كر ليا۔٬٬ (14)

انگريزوں كي طرف سے نواب رام پور يوسف علي خاں كو مراد آباد فتح كرنے كي اجازت مل چكي تھي اور اسي بنياد پر نواب يوسف علي خاں نے مراد آباد كي طرف پيش قدمي كي تھي۔ خان بهادر خاں حاكم روهيل كھنڈ كے ليے نواب رام پور كي مداخلت ناقابلِ برداشت تھي۔ مولانا كافي عليه الرحمه كے ذريعه خان بهادر خاں روهيله كو حالات كا پورا علم هو گيا تو نواب مجو خاں حاكم مراد آباد كي امداد كے ليے خان بهادر خاں نے جنرل بخت خاں كو اس بات پر آماده كر ليا كه وه دهلي جاتے هوئے مراد آباد كا معركه سر كر ليں۔ نواب رام پور كے اندر اتني طاقت نهيں تھي كه وه جنرل بخت خاں كي فوج سے مقابله كرے۔ اس ليے اس نے مراد آباد سے اپنا انتظام اٹھا ليا اور اپنے افسر واپس بلا كر ميدان خالي كر ديا۔ مگر جنرل بخت خاں جب 17 جون كو مراد آباد سے دهلي چلے گئے تو پھر نواب رام پور نے مداخلت كي اور 24 جون 1857ئ كو دوباره اپني فوج مراد آباد بھيج دي۔ اس مرتبه نواب مجو خاں كے ساتھ مصالحت كي راه اختيار كي جس كے نتيجے ميں وه رياست رام پور كي طرف سے سنبھل كے حاكم مقرر هو گئے۔ بعد ميں حالات ايسے رونما هوئے كه انگريزوں نے بے دردي كے ساتھ نواب مجو خاں كو بڑے اذيت ناك طريقے پر موت كے گھاٹ اتار ديا۔ (15)

سقوطِ مراد آباد اور مولانا كي گرفتاري: 25 اپريل 1858ئ كو جنرل مونس گوره فوج سے مراد آباد پر حمله آور هوا۔ نواب مجو خاں كي سركردگي ميں مجاهدين نے ڈٹ كر مقابله كيا اور مراد آباد كو انگريزوں سے بچانے كے ليے اپني جانيں لڑا ديں۔ نواب مجو خاں آخري وقت تك ايك مكان كي چھت پر بندوق چلاتے نظر آئے۔ سات هتھيار بند سپاهي ان كو گرفتار كرنے كے ليے بھيجے گئے، مگر وه گرفتار نه كر سكے، آخر وهيں انھيں گولي مار دي گئي اور انھوں نے جامِ شهادت نوش فرمايا۔

مراد آباد كے سقوط كے ساتھ هي تمام قائدين آزادي اور انقلابي ره نما منتشر هو گئے، جو حكومت كے هاتھ پڑے وه تخته دار پر چڑھا ديے گئے، يا حبس دوام به عبورِ درياے شور كي سزا سنائي گئي۔ (16)

اس جنگ آزادي كي ناكامي كے دو بهت پرانے اسباب تھے: اول يه كه كوئي مركزي تنظيم نهيں تھي جو جنگ پر قابو پاتي، دوسرے،جنگ كو ناكام بنانے كے ليے مقامي غدار بهت هي كوشاں تھے۔ ان هي وجوهات كي بنا پر مجاهدين كو زبردست جاني و مالي نقصان اٹھاناپڑا۔ ان غداروں كي مدد سے انگريز دوباره 24 اپريل1858ئ كو شهر مراد آباد اور اس كے مضافات پر قابض هو گئے اور پھر عيسائي تهذيب كا وه ننگا ناچ شروع هوا جس كو تاريخِ عالم كبھي فراموش نهيں كر سكتي۔ ع:

جسے ديكھا حاكمِ وقت نے، كها يه بھي قابلِ دار هے

اس وقت انگريزوں نے غداروں كو ايك اور لالچ يه دے ركھا تھا كه جو شخص كسي بھي مجاهد كو گرفتار كرائے گا اور پھانسي دلوائے گا، اس كي جائدا كا بڑا حصه اس غدار كو دے ديا جائے گا۔ اس لالچ كا نتيجه يه نكلا كه كوئي مجاهد ايسا نهيں بچا جس كو غداروں نے گرفتار كروا كے پھانسي نه دلوا دي هو۔ جتنے بھي ساهو صاحبان هيں يه اسي غداري كي پيداوار هيں۔ مولانا سيد كفايت علي كافي كو بھي ايك كمينه صفت انسان نے شهيد كرايا، پهلے مولانا وهاج الدين عرف منو كو شهيد كرايا، پھر مولانا سيد كفايت علي كافي صاحب ك و ۔ اس غدارِ قوم و وطن كا نام فخر الدين كلال تھا۔﴿اخبار الصناديد از حكيم نجم الغني خاں رام پوري﴾

مولانا كافي جنگ كے بعداپنے مكان ميں روپوش تھے كه اس ظالم نے مخبري كر كے گرفتار كرايا۔ اس نمك حرام نے انگريز كلكٹر سے جا كر مخبري كي اور اس شرط پر گرفتار كرانے كا وعده كيا كه انعام ميں مولانا كي تمام جائداد اس كو دے دي جائے گي۔ يه وعده لے كر وه انگريزي فوج كے دسته كے همراه مولانا كافي عليه الرحمه كے مكان پر پهنچ كر آواز دي۔ ملازم نے مولانا صاحب سے اجازت لے كر دروازه كھول ديا۔ فوج كے جوان اندر داخل هو ئے۔ آپ تخت پر تشريف فرما تھے، اسي حالت ميں فوجيوں نے انھيں گرفتار كر ليا۔ گرفتاري كے بعد اس غدار كو آپ كي جائداد ميں سے ايك بڑا حصه دے ديا گيا اور اس كا نام انگريز كے وفاداروں كي كتاب ميں درج كر ليا گيا۔

گرفتاري كے بعد فوري مقدمه كي كارروائي شروع هو گئي۔ اس وقت انگريزوں كي كچهري كا يه عالم تھا كه كوئي ملزم كے بيان كو جس طرح چاهے تحرير كر دے، ملزم كو بيان ديكھنے يا وكيل كرنے كا كوئي حق نهيں هوتا تھا اور نه هي صفائي پيش كرنے كي كوئي اجازت هوتي تھي۔ اس وقت انگريزوں نے ايك كميشن قائم كيا تھا جو مقدمات كي سماعت كرتا تھا اور جج صاحبان بھي اكثريتي طبقه كے وه لوگ تھے جو ملك اور قوم سے غداري كر رهے تھے۔4 مئي1858ئ كو اس ظالم و جابر انگريز مجسٹريٹ كے رو برومولانا كافي كا مقدمه پيش هوا اور بهت جلد هي فيصله سنا ديا گيا۔﴿اخبار الصناديد﴾

مقدمه كي پوري تفصيل درج ذيل هے:

روداد مقدمه مولانا سيد كفايت علي4 مئي1858ئ: مقدمه مسٹر جان انگلسن مجسٹريٹ كميشن واقع 4 مئي 1858ئ

سركاري مدعي بنام مولوي كفايت علي كافي

فيصله عدالت كميشن چوں كه اس مدعا عليه ملزم نے انگريزي حكومت كے خلاف بغاوت كي اور عوام كو قانوني حكومت كے خلاف ورغلايا اور شهر ميں لوٹ مار كي۔ ملزم كا يه فعل صريح بغاوتِ انگريزي سركار هوا، جس كي پاداش ميں ملزم كو سزاے كامل دي جائے

حكم هوا مدعا عليه پھانسي سے جان سے

قائداعظم محمدعلی جناح اور تصورِ پاکستان

قائداعظم محمدعلی جناح کے تصورِ پاکستان کے بارے میں جب بھی اظہارِ خیال کا کوئی موقع آتا ہے تو فوراً ہی ندامت اور تأسف وحسرت کا ایک تاثر بھی ابھرتا ہے۔

اگر پاکستان اپنے بانی کے تصورات کا آئینہ دار ہوتا تو ان تصورات کا زبانی تذکرہ کرنے کی چنداں ضرورت پیش نہ آتی۔ اس کے بہ جائے ہم اپنے ملک کے سیاسی احوال سے براہِ راست طورپر استنباط کرتے، اپنے گردوپیش پر نظر دوڑاتے اور بڑے فخر کے ساتھ کہتے کہ یہی بانیٔ پاکستان کے تصورات کی تصویر اور ان کی عملی تعبیر ہے۔ مگر دن رات قائداعظم کے نام کی مالا جپنے کے باوجود ان کے افکار اور خیالات اوران کے طرزِفکر و احساس سے ہماری قومی زندگی کو کوئی علاقہ نہیں۔

قائداعظم کی رحلت کے برسوں بعد تک ان کی بیش تر تقاریر اشاعت تک سے محروم رہیں۔ قائداعظم کے بعض بیانات اربابِ اختیار نے قوم کے سامنے نہیں آنے دیے۔ یہ بات اب ریکارڈ پر آچکی ہے کہ ان کی 11 اگست 1947 کی فکرانگیز تقریر کو اس وقت کی افسرشاہی نے سنسر کرنے کی کوشش کی۔ اب بھی صورتِ حال یہ ہے کہ ملک میں بولی جانے والی بیش ترزبانوں میں قائداعظم کے خطبات ناپید ہیں۔

ماضی میں قائداعظم کی سوانح حیات کے صرف وہی پہلو منظرِعام پر آسکے جن کا منظرِعام پر آنا حکومتوں کو منظور تھا۔ حیاتِ قائداعظم کے وہ درخشاں پہلو جو ہماری ریاستی پالیسیوں سے میل نہیں کھاتے تھے بڑی ہوشیاری کے ساتھ تلف کردیے گئے یا انھیں دبیز پردوں کے پیچھے چھپا دیا گیا۔ بدقسمتی سے ہم نے نہ صرف قائداعظم کے تصورات و افکار اور ان کے طرزِفکر کو سمجھنے میں ٹھوکر کھائی ہے بلکہ جوں جوں وقت گزرتا گیا ہمارے ہاں ایسے لوگوں کی تعداد میںبھی اضافہ ہوتا چلا گیا ہے‘ جنھوں نے پہلے تو قائداعظم کے نظریات کی نت نئی تاویلیں پیش کیں اور پھر اپنے نسخہ ہائے کیمیا کو قائد اعظم کے تصورات بناکر پیش کرنا شروع کردیا۔

یہ سلسلہ اس قدر دراز ہوچکا ہے اور اس کے اثرات اتنے دور تک پہنچ چکے ہیں کہ اب دانشِ حاضر کی پہلی ذمے داری ہی یہ قرار پاتی ہے کہ فی الفور قائداعظم کے ان تصورات کا کھوج لگائیں جن پر امتدادِ زمانہ کی گرد اور تحریف پسندوں کی ضرب پڑ چکی ہے۔

قائداعظم کے تصورات کے تذکرے اور ان کی تشریح سے قبل دو بنیادی باتوں کی وضاحت ضروری ہے۔ پہلی بات تو یہ کہ قائداعظم بجا طورپر ایسے راہ نمائوں میں شمار ہوتے ہیں جو اپنے غیرمعمولی شخصی اوصاف، اپنی تاریخ فہمی اور تدبر کے حوالے سے اپنے زمانے پر اثرانداز ہوئے اور حالات کا رخ موڑنے میںاہم کردار ادا کیا۔ ان کی کام یابی کا بڑا راز معروضی حالات کے ان کے فہم میں پوشیدہ تھا۔ قائداعظم کے تصورات کی اہمیت بھی اسی حقیقت میں مضمر ہے کہ یہ تصورات ذاتی ہوتے ہوئے بھی روحِ عصر کے بہترین عکاس تھے۔

قائداعظم کے تصورات کی تفہیم کے ضمن میں دوسری قابلِ ذکر بات یہ ہے کہ مختلف امور کے حوالے سے ان کے طرزِعمل یا ان کے ردِعمل میں تبدیلیوں کے باوجود اہم ترین امور پر ان کے یہاں استقلالِ فکروعمل کی کارفرمائی کو دریافت کرنا کوئی زیادہ مشکل نہیں۔ بعض لوگوں نے ہندو مسلم تعلقات، ہندوستان کے اتحاد یا ایسے ہی دیگر موضوعات کے حوالے سے قائداعظم کی جانب سے مختلف ادوار میں اختیار کردہ مؤقف میں تضاد کی نشان دہی کی ہے۔

یہ قائداعظم کی دلیل اور ان کے مدعا کے فرق کو نہ سمجھنے کا نتیجہ ہے۔ قائداعظم کی حیثیت مسلمانوں کے مقدمے کے ایک مستعد اور صاحبِ نظر وکیل کی تھی۔ وہ بیسویں صدی کے دوسرے عشرے میں ہندوستانی سیاست میں وارد ہوئے اور انھوں نے مسلمانوں کی نمائندگی اور ان کے کاز کی بہترین عملی تعبیر کی تلاش کے کام کو اپنا مطمعٔ نظر بنایا۔

یہ دور ہندوستان کی سیاست میں ہمہ جہتی تبدیلیوں، سیاسی تحریکوں، آئینی اصلاحات اور تصادم و تعاون کے مختلف النوع رجحانات کا دور تھا۔ ہمہ وقت بدلتی سیاسی صورتِ حال کے علاوہ یہ بات بھی واضح تھی کہ ہندوستان کے مستقبل کا حتمی فیصلہ ابھی ہونا باقی ہے۔ ایسے میں مسلمانوں کے مقدمے کے وکیل کی حیثیت سے قائداعظم کے دلائل، ان کے الفاظ اور ان کی لغت میں بھی تبدیلیاں آتی چلی گئیں۔

ظاہر بیں نظروں نے قائداعظم کی استعمال کردہ اصطلاحات اور ان کی ڈکشنری ہی کو ان کی منزل تصور کرلیا ہے، جس کا نتیجہ یہ ہے کہ وہ ان کی سیاست میں تضاد دیکھنے پر مجبور ہیں۔ سوال یہ ہے کہ قائداعظم کی اصل منزل کیا تھی یا ان کا حقیقی مدعا کیا تھا۔ اس سوال کا جواب یوں بھی اہم ہے کہ اگر قائداعظم کے مقصد کو سمجھ لیا جائے تو ان کے نظریات و افکار کی گرہیں بھی کھلنے لگتی ہیں۔

بنیادی طورپر قائداعظم برصغیر کے مسلمانوں کے لیے سماجی انصاف اور ان کے سیاسی و جمہوری حقوق کو یقینی بنانا چاہتے تھے۔ ابتدا میں انھوں نے یہ مقصد متحدہ ہندوستان کے پس منظر میں حاصل کرنا چاہا اور جب انھیں متحدہ ہندوستان کے اندر اس مقصد کا حصول ممکن نہیں نظر آیا تو پھر اسی مقصد کے لیے انھوں نے علیحدہ مملکت کی تجویز پیش کی۔

ایک علیحدہ مملکت کا تصور قائداعظم کے نزدیک دین کے بنیادی اراکین میں شامل نہیں تھا کہ جس پر زندگی کے ایک خاص مرحلے میں وہ ایمان لے آئے تھے بلکہ یہ برصغیر کے مسلمانوں کے لیے سماجی اور سیاسی حقوق کے حصول کے دیگر مجوزہ راستوں کے بند ہو جانے کے بعد بچ جانے والا واحد اور ناگزیر راستہ تھا۔ ایک بار جب انھوں نے اس راستے کو اختیار کرنے کا فیصلہ کرلیا تو ان کے دلائل کا رخ بھی اسی جانب مڑ گیا۔ انھوں نے مسلم قومیت کو اپنے مطالبے کی اساس بنایا مگر ایسا کرتے وقت وہ ایک دلیل ہی کا سامان کر رہے تھے۔ مسلم قومیت ان کا ہدف نہیں بلکہ ان کے ہدف کے حصول کی سیاسی دلیل تھی۔

جہاں تک سماجی انصاف کے مسئلے کا تعلق ہے تو اس ضمن میں قائداعظم کے خیالات میں اشکال کی ذرا سی بھی گنجائش موجود نہیں ہے۔

تحریکِ پاکستان کی مختلف تعبیرات میں ایک تعبیر یہ بھی ہے کہ اس کی پشت پر مسلمان سرمایہ دار یا مسلم بورژوا طبقے کے مفادات کارفرما تھے۔ Hanna Papanek نے ایک تحقیقی مقالے میں بمبئی، گجرات اور کلکتہ کے مسلم بورژوا طبقے کے حقیقی عزائم پر سے پردہ اٹھایا ہے جس کا خیال تھا کہ قیامِ پاکستان کے بعد وہ ہندوستان میں اپنے تجارتی و صنعتی مراکز بدستور قائم رکھے گا، جب کہ پاکستان تو تمام تر اس کے لیے فرشِ راہ ہوگا۔

قائداعظم مسلم سرمایہ داروں کو ساتھ لے کر چلنے پر مجبور تھے کہ مسلم لیگ کو فنڈز کی ضرورت تھی مگر وہ سرمایہ داروں اور جاگیرداروں کی ہوسِ زر سے بھی ناواقف نہیں تھے۔ چنانچہ 1943 ہی میں آل انڈیا مسلم لیگ کے سالانہ اجلاس منعقدہ دہلی میں انھوں نے تنبیہ کردی تھی کہ:

’’پاکستان میں عوامی حکومت ہوگی اور یہاں میں جاگیرداروں اور سرمایہ داروں کو متنبہ کردوں جو ایک ظالمانہ اور قبیح نظام کے وسیلے سے پھل پھول رہے ہیں اور اس بات نے انھیں اتنا خود غرض بنا دیا ہے کہ ان کے ساتھ عقل کی کوئی بات کرنا مشکل ہوگیا ہے۔ عوام کی لوٹ کھسوٹ ان کے خون میں شامل ہوگئی ہے۔ انھوں نے اسلام کے سبق بھلا دیے ہیں۔ حرص اور خودغرضی نے ان لوگوں کو اس بات پر قائل کر رکھا ہے کہ دوسروں کے مفادات کو اپنے مفادات کے تابع بنا کر موٹے ہوتے جائیں۔ میں گائوں میں گیا ہوں‘ وہاں لاکھوں کروڑوں کی تعداد میں ہمارے عوام ہیں جن کو دن میں ایک وقت کی روٹی نصیب نہیں۔ کیا یہی تہذیب ہے؟ کیا یہی پاکستان کا مقصود ہے؟ … اگر پاکستان کا یہی تصور ہے تو میں اس کے حق میں نہیں ہوں۔۔۔‘‘

عدل عمرانی اور ایک عام مسلمان کی اقتصادی بہبود کے بارے میں قائداعظم کے یہ خیالات اپنی تشریح آپ ہیں۔ آج بھی یہ اتنے ہی برمحل ہیں جتنے اب سے نصف صدی قبل تھے۔

قائداعظم کی زندگی کے مشن میں جو دوسرا اہم ترین مقصد کارفرما تھا وہ برصغیر کے مسلمانوں کے سیاسی و جمہوری حقوق کی پاس داری تھی۔ ایک وسیع حلقے کے نزدیک قائداعظم کی جمہوریت پسندی ہی محلِ نظر ہے۔ مثلاً کانگریسی مصنّفین کی یہ عمومی رائے ہے کہ جناح جمہوریت کے ساتھ خود کو ہم آہنگ نہیں کرسکے۔ اور جب ہندوستان کی آزادی کا مرحلہ آیا تو انھوں نے اس خیال کے پیشِ نظر کہ اب ہندو اکثریت ہمیشہ ہمیشہ کے لیے اقتدار میں آجائے گی، مسلمانوں کے لیے علیحدہ مملکت کا مطالبہ کردیا۔

یہ بات قابلِ ذکر ہے کہ 1940 اور 1947 کے درمیان بظاہر خود قائداعظم نے غیر منقسم ہندوستان کے پس منظر میں جمہوریت پر عدم اعتماد کا اظہار کیا تھا۔ قائداعظم کے اس دور کے موقف کی تشریح اور ان کے جمہوریت کے بارے میں مکمل طرزِ فکر کا جائزہ لینے سے پہلے ایک مرتبہ پھر اس بات کو دہرانے کی ضرورت ہے کہ ایک خاص وقت میں دیے گئے جناح کے دلائل کو ان کا آخری مدعا تصور کرنا ایک زبردست خلط مبحث کو جنم دے سکتا ہے۔

اس خلط مبحث کے ابطال سے قبل ہم اس امر پر زور دینا چاہیں گے کہ قائداعظم اول تا آخر جمہوریت کے قائل تھے۔ قائداعظم کی تعلیم برطانیہ میں ہوئی تھی جہاں انھوں نے گلیڈ اسٹون (Gladstone) اور جان مارلے (John Morley) جیسے لبرل راہ نمائوں کے خیالات سے غیرمعمولی اثرات قبول کیے تھے۔ قائداعظم اپنی سیاسی زندگی میں تقریباً 35 سال تک ہندوستان کی امپیریل لیجسلیٹیو کونسل کے رکن رہے۔ اس دوران انھوں نے بارہا شہری آزادیوں اور قانون کی بالادستی کے لیے آواز اٹھائی۔

انھوں نے پریس سے متعلق اس مسودۂ قانون (Press Bill) کی سخت مذمت کی جس کے ذریعے حکومت نے آزادیٔ اظہار پر پابندی لگانے کے اختیارات حاصل کرلیے تھے۔ 1919 میں رولٹ ایکٹ کی آمد پر انھوں نے امپیریل لیجسلیٹو اسمبلی سے مستعفی ہونے کا اعلان کیا۔ ایسا کرتے وقت انھوں نے جمہوریت سے نہیں بلکہ برطانوی حکومت سے اپنی مایوسی کا اظہار کیا۔ سِول لبرٹیز پر ان کے ایمان کا اندازہ اس بات سے ہوتا ہے کہ وہ غدر پارٹی کے انقلابی بھگت سنگھ کے لیے بھی انہی حقوق کا مطالبہ کرتے نظر آتے ہیں جو انگریزوں کو حاصل تھے۔

وہ فوج کے سیاست میں ملوث ہونے کے اس درجہ مخالف تھے کہ جب سبھاش چندربوس نے جاپان کی مدد سے انڈین نیشنل آرمی قائم کی تو قائداعظم نے یہ کہہ کر اس کی مذمت کی کہ فوج کو سویلین اتھارٹی کی حکم عدولی کا اختیار حاصل نہیں ہے۔ قیام پاکستان کے بعد جون 1948 میں اسٹاف کالج کوئٹہ میں خطاب کرتے ہوئے انھوں نے کہا کہ فوج پر لازم ہے کہ وہ دستور کا احترام کرے۔ جس پاکستان کا خواب قائداعظم نے دیکھا تھا اس میں عوام مقتدر اعلیٰ کی حیثیت رکھتے تھے۔

سوال یہ پیدا ہوتا ہے کہ اگر قائداعظم جمہوریت کے فلسفے کے اس درجہ قائل تھے تو قیامِ پاکستان سے قبل کے مختلف ادوار کی ان کی سیاست اور نقطہ ہائے نظر میں نظر آنے والے اختلاف کی کیا توجیہہ پیش کی جاسکتی ہے۔

جمہوریت امکانی طور پر تین میدانوں میں اکثریت کے ہاتھوں کج روی کا شکار ہوسکتی ہے، یا مسخ ہوسکتی ہے۔ اول، حکومتی امور میں اکثریتی جماعت جمہوریت کے نام پر آمرانہ اختیارات حاصل کرسکتی ہے۔ اس کا توڑ انسان نے یہ دریافت کیا ہے کہ جمہوریت کے ساتھ ساتھ اختیارات کو ایک سے زیادہ اداروں میں تقسیم کردیا جائے اور حکومت کی پارلیمنٹ کے سامنے جواب دہی کو ضروری قرار دے دیا جائے۔ اکثریت کی آمریت علاقائی تقسیم کے میدان میں بھی قائم ہوسکتی ہے اور اکثریتی آبادی کا علاقہ، اقلیتی آبادی کے علاقے پر جمہوریت کے نام پر اپنا استبداد قائم کرسکتا ہے۔

اس امکان کو رد کرنے کے لیے جو بہترین Mechanism استعمال کیا جاسکتا ہے وہ وفاقیت یا Federalism کا اصول ہے جس کے تحت وحدتوں کے اختیارات ازروئے آئین طے کردیے جاتے ہیں، نیز قانون سازی کے لیے دو ایوانی مقننہ قائم کی جاتی ہے جس کا ایوانِ زیریں آبادی کی بنیاد پر اور ایوانِ بالا وحدتوں کی برابری کی بنیاد پر وجود میں آتے ہیں۔ جمہوریت کے نام پر ایک اکثریت اقلیت پر ایک اور میدان میں بھی اپنی آمریت قائم کرسکتی ہے اور یہ عقائد کا میدان ہے۔

ایک مذہبی کمیونٹی یا فرقہ اپنی اکثریت کو بنیاد بنا کر اقلیتی کمیونٹی کے اوپر تسلط کا دعوے دار ہوسکتا ہے۔ سیاسی و اقتصادی مفادات کے حوالے سے ظہور میں آنے والے گروہ مذہب اور عقائد کو اپنی شناخت کا ذریعہ قرار دے کر اپنے گروہی استحقاق یا Legitimacy کا دعویٰ کرسکتے ہیں اور یوں مذہب سیاسی مقاصد کے لیے استعمال ہوسکتا ہے اس کا تدارک جس Mechanism سے کیا جاسکتا ہے وہ Secularism ہے، جس کی رو سے ریاست مذہبی معاملات میں غیر جانب دار بن جاتی ہے۔

قائداعظم ان تینوں Mechanisms کو ناگزیر سمجھتے تھے اور ہندوستان کے مخصوص پس منظر میں ان کا پختہ یقین تھا کہ اگر یہاں جمہوریت ان تینوں انتظامات کے بغیر نافذ ہوتی ہے تو یہ مسلمانوں کو مستقل طور پر ہندو اکثریت کے سامنے بے بس بنادے گی۔ قائداعظم کا پورا سیاسی کیرئیر ان تینوں نظاموں کی وکالت یا ان کے تقاضوں کی تکمیل میں گزرا۔

وفاقیت قائداعظم کی کاوشوں کا ایک اہم محور تھی۔ برصغیر میں نمائندہ اداروں کا قیام مرحلہ وار اصلاحات کے ذریعے ہوا۔ مطالبۂ پاکستان پیش کیے جانے کے بعد قائداعظم نے مختلف مواقع پر مجوزہ مملکت کے لیے وفاقی نظام کی وکالت کی۔ 8 نومبر 1945 کو ایسوسی ایٹ پریس آف امریکا کے نمائندے کو انٹرویو دیتے ہوئے قائداعظم نے فرمایا: ’’نظریہ پاکستان اس بات کی ضمانت دیتا ہے کہ قومی حکومت کو وہ پوری خودمختاری حاصل ہوگی جو ممالک متحدہ امریکا، کینیڈا اور آسٹریلیا کے دساتیر میں ملتی ہے۔ البتہ بعض نہایت اہم اختیارات مرکز کے پاس ہوں گے۔‘‘

قائداعظم کے تصورِ جمہوریت کا ایک اور لازمی اور ناگزیر جزو سیکولرازم تھا۔ بدقسمتی سے ہمارے ہاں سیکولرازم کے بارے میں طرح طرح کی غلط فہمیاں پھیلائی گئی ہیں۔ یہاں تک کہ اس کا ترجمہ بعض لوگوں نے لادینیت کر کے سیکولرازم کے نظام سے لوگوں کو متنفر کرنے کی کوشش کی ہے۔ امر واقعہ یہ ہے کہ سیکولرازم کا لادینیت سے کوئی تعلق نہیں۔ یہ اصطلاح تھیوکریسی کے الٹ کے طور پر استعمال ہوتی ہے۔ تھیوکریسی ایک ایسے نظام کو کہتے ہیں، جس میں حکومت کلیسا کے احکام کے تابع ہوتی ہے جب کہ سیکولرازم میں حکومت کلیسا کی مداخلت سے آزاد ہوتی ہے۔

سیکولر نظام میں ریاست خود کو مذہبی مناقشات اور مسلکی اختلافات سے آزاد رکھتی ہے اور غیر جانب دارانہ طرزِ عمل اختیار کرتی ہے۔ قائداعظم کے ذہن میں بھی پاکستان کا جو تصور تھا وہ ایک ایسی مملکت ہی کا تصور تھا جس میں ریاست مذہبی اختلافات سے خود کو دور رکھتی اور ایک غیر جانب دار ادارے کی حیثیت سے کام کرتی ہے۔ قائداعظم کا پورا سیاسی کیرئیر مسلم اقلیت کے حقوق کی وکالت کی نذر ہوا۔

آئینی اصلاحات کے ہر موقعے پر انھوں نے مسلمانوں کے لیے زیادہ سے زیادہ سیاسی تحفظات کے حصول کی بھرپور کوشش کی مگر ایک اقلیت کے حقوق کی حمایت اور مذہب کو سیاست کے لیے استعمال کرنے میں جو فرق تھا وہ قائداعظم کی سیاست میں نمایاں تھا۔ چنانچہ عین اس زمانے میں جب کہ وہ مسلم اقلیت کے سیاسی حقوق اور اس کے خلاف کسی قسم کے امتیاز کے امکان کے خلاف برسرپیکار تھے، انھوں نے تحریک خلافت سے خود کو الگ رکھا۔

جو شخص اقلیتوں کے حقوق کے لیے تمام عمر برسرپیکار رہا ہو وہ قیام پاکستان کے بعد نئی مملکت کی اقلیتوں کو بے یارومدد گار کیسے چھوڑ سکتا تھا۔ چناں چہ 11 اگست 1947 کی اپنی تقریر میں انھوں نے ریاست اور مذہب کے تعلق کے حوالے سے جو چشم کشا گفتگو کی وہ تاریخی اہمیت کی حامل ہے۔ اس تاریخی تقریر میں آپ نے فرمایا:

’بایں ہمہ اس تقسیم میں کسی ایک مملکت میں یا دوسری مملکت میں اقلیتوں کا وجود ناگزیر تھا۔ اس سے مفر نہیں تھا۔ اس کا بھی کوئی اور حل نہیں تھا۔ اب ہمیں کیا کرنا ہے؟ اگر آپ اپنا رویہ تبدیل کرلیں اور مل جل کر اس جذبے سے کام کریں کہ آپ میں سے ہر شخص خواہ وہ اس ملک کا پہلا شہری ہے یا دوسرا یا آخری سب کے حقوق و مراعات اور فرائض مساوی ہیں۔

قطع نظر اس سے کہ کس کا کس فرقے سے تعلق ہے اور ماضی میں اس کے آپ کے ساتھ کس نوعیت کے تعلقات تھے اور اس کا رنگ و نسل یا عقیدہ کیا ہے تو آپ جس قدر ترقی کریں گے اس کی کوئی انتہا نہ ہوگی۔۔۔، اب آپ آزاد ہیں۔ اس مملکت پاکستان میں آپ آزاد ہیں۔ اپنے مندروں میں جائیں، اپنی مساجد میں جائیں یا کسی اور عبادت گاہ میں۔ آپ کا کسی مذہب، ذات پات یا عقیدے سے تعلق ہو، کاروبار مملکت کا اس سے کوئی واسطہ نہیں۔‘‘

پاکستان کی تاریخ میں ہم جن سیاسی بحرانوں سے گزرے ہیں ان کی پشت پر بنیادی طور پر تین مسائل ہی کارفرما رہے ہیں۔ جمہوریت کا مسئلہ، ایک قابل عمل وفاقی نظام کا مسئلہ، اور ریاست اور مذہب کے تعلق کا مسئلہ۔ کیا یہ دل چسپ اتفاق نہیں ہے کہ یہی تین امور قیام پاکستان سے قبل بھی قائداعظم کی سیاست میں مرکزی کردار ادا کرتے رہے اور ان کے حوالے سے ان کا طرز فکر بڑے واضح طور پر تاریخ میں محفوظ ہے۔ آج بھی ہمیں انہی مسائل سے سابقہ ہے۔ سوال یہ ہے کہ آج جب کہ ہم تہ در تہ بحرانوں کی زد میں ہیں، کیا ہم بانیٔ پاکستان کے ارشادات سے روشنی اخذ کرنے کی زحمت گوارا کریں گے؟

تاریخ ساز شخصیت

1948 بابائے قوم قائد اعظم محمد علی جناح کی زندگی کا آخری سال تھا۔ اگرچہ آپ نے اپنی سیاسی زندگی نہایت سرگرمی اور تن دہی سے گزاری مگر آپ کی زندگی کے آخری دس سال جن میں آپ کو بڑھتی ہوئی عمر اور گرتی ہوئی صحت کے پیش نظر مکمل آرام کی ضرورت تھی نہایت ہنگامہ خیز سال تھے۔ قیام پاکستان کے بعد نومولود مملکت کے مسائل ایسے نہ تھے جن کو قائد اعظم نظر انداز کردیتے یا دوسروں پر چھوڑ دیتے۔

اسی لیے آپ نے ان مسائل کی جانب بھرپور توجہ دی۔ پاکستان کی داخلہ اور خارجہ پالیسی کا تعین اور اس پر عملہ درآمد کو یقینی بنانا ملک کے مختلف علاقوں کا دورہ کرکے وہاں کے عوام کے مسائل معلوم کرنا اور پھر ان کے تدارک کے لیے اقدامات، قومی معیشت کا فروغ و استحکام ، نظام تعلیم موثر بنانا، سرحدوں کا دفاع، آئین ساز اسمبلی، سرکاری ملازمین اور مسلح افواج کو نہ صرف ان کے فرائض سے آگاہ کرنا بلکہ ان کو یہ باور کرانا کہ قوم ان سے کیا توقعات رکھتی ہے۔

ان تمام امور سے قائد اعظم نے حتی المقدور عہدہ برا ہونے کی بھرپور کوشش کی۔ بہ قول پروفیسر شریف المجاہد تمام حالات و واقعات کا دیانت داری سے تجزیہ کیا جائے تو یہی نتیجہ برآمد ہوتا ہے کہ یہ نوزائیدہ قوم اپنی ہنگامہ خیز پیدائش کے فوراً بعد ہی پیش آنے والے تباہ کن اور ہول ناک بحرانوں میں بھی محض اس لیے زندہ سلامت رہی کہ اس دور میں قائد اعظم امور مملکت کے نگران تھے۔

پاکستان کے عوام کو ان پر جو بے پناہ اعتماد تھا، لوگوں کے دلوں میں ان کے لیے جو زبردست عقیدت و محبت تھی، قائد اعظم نے اسی کو بروئے کار لاکر اپنی قوم کو درپیش مشکلات و مصائب سے نمٹنے کے لیے حوصلہ عطا کیا۔ آزادی نے عوام کے سینوں میں حب الوطنی کے جن جذبات کو بھڑکایا تھا ان کی حرارت اور توانائی کا رُخ تعمیری سرگرمیوں کی سمت موڑ دیا۔

1948 میں 25 مئی کو آپ ڈاکٹروں کے مشورے پر کوئٹہ گئے، تاکہ وہاں ہر قسم کی فکر سے آزاد ہوکر مکمل آرام کرسکیں مگر کوئٹہ میں بھی مصروفیات کا سلسلہ جاری رہا۔ 29 جون کو آپ اسٹیٹ بینک آف پاکستان کا افتتاح کرنے کے لیے کراچی آئے اور پھر کام میں لگ گئے، نتیجتاً صحت مزید گرگئی۔ ڈاکٹروں کے مشورے پر 7 جولائی کو آپ دوبارہ کوئٹہ روانہ ہوگئے مگر آپ کی علالت اتنی سنگین صورت اختیار کرگئی کہ ڈاکٹروں نے فوری طور پر زیارت منتقل کردیا جو کوئٹہ کے مقابلے میں نسبتاً سرد مقام ہے۔

زیارت میں قیام کے دوران آپ کی طبیعت قدرے بہتر ہوئی اور آپ اکثر و بیش تر اپنی ہمشیرہ محترمہ فاطمہ جناح اور اپنے عملے کے ارکان سے مختلف امور پر تبادلہ خیال کرنے لگے۔ ڈاکٹر ریاض علی شاہ نے، جو اس وقت قائد اعظم کے معالج تھے، اپنے ایک مضمون میں تحریر کیا ہے: ’’جب میں 17 جولائی کو قائد اعظم کے کمرے میں داخل ہوا تو وہ مسہری پر دراز تھے۔ جسم نحیف اور کم زور لیکن چہرہ باوقار اور پر جلال، آنکھوں میں بلا کی چمک اور ہونٹوں پر ہلکی سی مسکراہٹ۔ وہ بہت کم زور ہوگئے تھے، رخسار کی ہڈیاں ابھر آئی تھیں اور گال اندر کی طرف دھنس گئے تھے۔ بیماری کی وجہ سے رنگ اور زیادہ نکھر آیا تھا۔

بال بکھرے ہوئے تھے۔ ایک شاعر یا فلسفی کی طرح چہرے کی جھریاں ان کے گہرے مطالعے اور تدبر کی باریکیوں کو نمایاں کررہی تھیں۔ بیماری کے باوجود وہ روزانہ صبح شیو بنواتے اور صبح ساڑھے چھے بجے چائے پیتے۔ ہم نے اصرار کیا کہ اگر آپ سو رہے ہوں تو بہتر ہے کہ آپ کو نہ اٹھایا جائے کیوں کہ آپ کے لیے آرام اور نیند اشد ضروری ہے۔ قائد اعظم جواباً مسکرادیے اور فرمانے لگے ’’صحت کے لیے زندگی بھر کے اصول ترک نہیں کیے جاسکتے۔‘‘

زیارت میں قائد اعظم کے قیام اور بیماری کے بارے میں آپ کی ہمشیرہ محترمہ فاطمہ جناح نے اپنی کتاب ’’مائی برادر‘‘ میں خاصی تفصیلات درج کی ہیں جو بہت اہم اور معلومات افزا ہیں۔ زیارت میں محترمہ فاطمہ جناح پورے انہماک سے قائد اعظم کی تیمارداری میں مصروف رہیں۔

قیام پاکستان کی پہلی سال گرہ قریب تھی لیکن قائد اعظم اپنی علالت کے سبب سال گرہ کی تقریبات میں شرکت سے معذور تھے۔ اس موقعے پر آپ نے قوم کے نام ایک پیغام میں فرمایا ’’پاکستان کا قیام ایک ایسی حقیقت ہے جس کی دنیا کی تاریخ میں مثال نہیں ملتی۔ یہ دنیا کی ایک عظیم ترین مسلمان ریاست ہے۔ اس کو سال بہ سال ایک نمایاں کردار ادا کرنا ہے اور ہم جیسے آگے بڑھتے جائیں گے ہمیں ایمان داری ، مستعدی اور بے غرضی کے ساتھ پاکستان کی خدمت کرنا ہوگی۔‘‘

زیارت میں قیام کے دوران قائد اعظم کا بلڈ پریشر خاصا گرگیا اور پیروں پر ورم آگیا تھا، چناں چہ آپ کو ڈاکٹروں کے مشورہ پر زیارت سے کوئٹہ منتقل کردیا گیا۔ قائد اعظم کے ایک اور معالج کرنل الٰہی بخش نے اپنی کتاب “With The Quaid-i-Azam During His Last Days” میں لکھا: ’’ پانچ ہفتہ کی تسلی بخش صحت کے بعد 3 ستمبر کو آپ کی حرارت بڑھ گئی۔

حرارت کا یوں اچانک بڑھ جانا بہت تشویش ناک تھا چنانچہ ہم نے بڑی احتیاط سے ان کا معائنہ کیا لیکن پھر بھی بخار کا سبب دریافت نہ کرسکے۔‘‘ 9 ستمبر کو کرنل الٰہی بخش نے معائنے کے بعد محترمہ فاطمہ جناح سے قائد اعظم کی زندگی کے بارے میں مایوسی کا اظہار کیا مگر محترمہ فاطمہ جناح نے امید کا دامن نہ چھوڑا اور برابر طبیعت کی بحالی کی آرزو مند رہیں۔ 10 ستمبر کو ڈاکٹروں کے مشورہ پر محترمہ فاطمہ جناح نے قائد اعظم کو کراچی لے جانے پر آمادگی ظاہر کردی۔ چناںچہ 11 ستمبر کو آپ کا طیارہ سوا چار بجے ماڑی پور کے ہوائی اڈے پر اترا۔

قائد اعظم کو ایک اسٹریچر پر لٹا کر بذریعہ ایمبولینس گورنر جنرل ہاؤس پہنچایا گیا۔ رات تقریباً ساڑھے نو بجے آپ کی طبیعت اچانک بگڑ گئی۔ چند منٹ کے بعد کرنل الٰہی بخش، ڈاکٹر ریاض علی شاہ اور ڈاکٹر مستری گورنر جنرل ہائوس پہنچ گئے۔ اس وقت قائد اعظم پر بے ہوشی طاری تھی۔ نبض کی رفتار بھی غیر مسلسل تھی۔ ڈاکٹروں نے معائنے کے بعد انجکشن لگایا مگر حالت بگڑتی چلی گئی۔ دس بج کر 25 منٹ پر فخر قوم، بطل جلیل، اسلامیان پاکستان کا ناخدا، عزم و استقلال، فراست اور ذہانت کا پیکر ہمیشہ کے لیے اﷲ کی رحمت میں پہنچ گیا۔

قائد اعظم بلا شبہہ ہندوستان کی جدید تاریخ کے معمار تھے۔ ایک تاریخ ساز شخصیت ۔ ایک ایسی شخصیت جس کی عصر حاضر میں کوئی اور دوسری مثال نہیں ملتی۔ بقول سرجنی نائیڈو جناح عصر حاضر کی سب سے سربر آوردہ اور جاذب نظر شخصیت تھے۔ قائد اعظم کے انتقال کو نصف صدی سے زاید عرصہ ہو چکا ہے مگر آج بھی ان کی شخصیت اپنے سیاسی کردار کے آئینے میں سماجی علوم کے ماہرین کے لیے ایک اہم ترین شخصیت ہے۔ ایک ایسی شخصیت جس کی تفہیم کے بغیر ہندوستان کی جدید تاریخ کا ابلاغ یقیناً ناممکن ہے۔

’’وہ مثالی شخصیت اور قابل رشک راہ نما تھے‘‘

قائد اعظم محمد علی جناح کی رحلت نہ صرف عالم اسلام کے لیے، بلکہ پوری دنیا کے لیے ایک عظیم سانحہ تھی، جس کا ثبوت ان تعزیتی پیغامات سے ملتا ہے جو آپ کے انتقال پر پوری دنیا کے راہ نمائوں نے جاری کیے۔ 12 ستمبر 1948ء اور 13 ستمبر 1948ء کے اخبارات دیکھنے سے پتا چلتا ہے کہ دنیا بھر میں مسلمانوں نے نہ صرف قائد اعظم کے انتقال پر سوگ منایا، بلکہ غائبانہ نماز جنازہ بھی ادا کی۔ کراچی میں نماز جنازہ کے موقع پر تقریر کرتے ہوئے تحریک پاکستان کے ممتاز راہ نما علامہ شبیر احمد عثمانی نے فرمایا، ’’وہ اورنگزیب عالمگیر کے بعد دوسرے عظیم مسلمان تھے۔‘‘

پاکستان کے پہلے وزیراعظم اور قائد اعظم کے دست راست نوابزادہ لیاقت علی خان نے 11 ستمبر1948ء کو قوم کے نام اپنے نشری پیغام میں کہا، ’’اﷲ تعالیٰ نے قائد اعظم کو ایک ایسے وقت میں ہمارے درمیان سے اٹھالیا ہے جب کہ ہمیں ابھی اپنی قومی بقا کے دشوار ترین مراحل میں ان کی راہ نمائی کی اشد ضرورت تھی۔ ہم کو اس موقع پر اپنے اﷲ کے سامنے عہد کرنا چاہیے کہ ہم غیرمتزلزل عزم کے ساتھ اس عظیم مقصد سے وابستہ ہوجائیں گے، جس کے لیے قائد اعظم نے حصول پاکستان کے بعد خود کو وقف کردیا تھا۔ اور وہ عظیم مقصد یہ ہے کہ ہم اس نومولود مملکت کو عظیم اور طاقت ور ملک بنائیں گے۔‘‘

برطانیہ کے شہنشاہ کنگ جارج نے محترمہ فاطمہ جناح کے نام ایک تعزیتی ٹیلی گرام میں کہا، ’’مجھے اور ملکہ کو آپ کے عظیم بھائی اور پاکستان کے پہلے گورنر جنرل قائد اعظم محمد علی جناح کے انتقال کی خبر سن کر شدید صدمہ پہنچا۔ یہ ایک ناقابل تلافی نقصان ہے۔ آپ کے لیے بھی اور پاکستان کے عوام کے لیے بھی، جن کے وہ عظیم راہ نما تھے۔‘‘ برطانیہ کے وزیراعظم کلیمنٹ آر ایٹلی نے کہا کہ قائداعظم کے انتقال سے پاکستان اپنے عظیم ترین شہری سے محروم ہوگیا ہے۔

انہوں نے ایک مدت سے برصغیر کی ملت اسلامیہ کے لیے اپنی عظیم صلاحیتوں کو وقف کر رکھا تھا۔ وہ ایک راہ نما کی حیثیت سے نمایاں اور ممتاز تھے اور پاکستان میں ان کے انتقال سے جو خلاء پیدا ہوا ہے وہ شاید ہی پُر ہوسکے۔ برطانوی پارلیمنٹ کے رکن سراسٹینفورڈ کرپس نے، جن کو تحریک پاکستان کے دوران متعدد بار قائداعظم سے ملاقات و مذاکرات کا شرف حاصل ہوا تھا، کہا، ’’وہ بہ حیثیت انسان راست بازی اور دیانت داری کے اعلیٰ ترین مقام پر فائز تھے۔

ان کے ساتھ گفت گو کرنا متعدد وجوہات کی بناء پر دشوار ترین امر تھا، کیوں کہ وہ اپنے مقصد اور موقف پر غیرمتزلزل یقین رکھتے تھے۔ وہ بہت نفیس اور خوش اخلاق میزبان تھے اور اپنے موقف کے حق میں دوسروں کو ہم وار کرنے اور دوسروں کے اٹھائے ہوئے سوالات کا مدلل جواب دینے کے لیے پوری رات جاگنے کے لیے تیار رہتے تھے۔‘‘ برطانیہ کے سابق وزیر ہند لارڈ پیتھک لارنس نے کہا، ’’قائداعظم جناح کا نام ایک عظیم قوم کی تشکیل کرنے والے راہ نما کی حیثیت سے تاریخ کے صفحات میں ہمیشہ زندہ رہے گا۔‘‘

امریکا کے صدر ہیری ایس ٹرومین نے کہا،’’پاکستان کے گورنر جنرل قائداعظم محمد علی جناح کے اچانک انتقال کی خبر سن کر شدید صدمہ پہنچا۔ وہ پاکستان کے خواب کو تعبیر سے ہم کنار کرنے والے، ایک مملکت کے معمار اور دنیا کی سب سے بڑی مسلم قوم کے بابائے قوم تھے۔ مسٹر جناح کی مقصد سے وابستگی، جاں نثاری اور بے مثل قیادت کی یادیں پاکستان کے عوام اور حکومت کی آیندہ آنے والے دنوں میں ہمیشہ راہ نمائی کرتی رہیں گی۔‘‘

امریکا کے سیکریٹری آف اسٹیٹ جارج مارشل نے کہا، ’’قائداعظم محمد علی جناح ان راہ نماؤں میں ممتاز و نمایاں تھے جو اپنے مقصد سے غیرمشروط وابستگی اور اس پر غیرمتزلزل یقین رکھتے تھے۔ انھوں نے نہ صرف دنیا کی ایک بہت بڑی قوم کی تشکیل کی، بلکہ اس کے مشکل ترین ابتدائی مرحلے میں دنیا کی دوسری اقوام کے ساتھ تعاون کو فروغ دے کر راہ نمائی کی۔ ان کی راست بازی، دیانت داری، خلوص اور ناقابلِ تسخیر عزم کی ان کے سیاسی دوست اور دشمن سب ہی قدر کرتے تھے۔ انہیں تنظیمی اور سیاسی امور میں جو مہارت تھی اس نے ان کو نہ صرف ایشیا بلکہ دنیا کے عظیم مدبروں کی صف میں نمایاں اور ممتاز کردیا تھا۔ ان کے انتقال سے نہ صرف پاکستان کے عوام بلکہ اقوام عالم کو شدید صدمہ پہنچا ہے۔‘‘

قائداعظم محمد علی جناح کے بعد گورنر جنرل کے عہدے پر متمکن ہونے والے راہ نما خواجہ ناظم الدین نے کہا،’’عظیم لوگ مرنے کے بعد بھی زندہ رہتے ہیں۔ قائداعظم بھی تاریخ اور پاکستان کے دوام و ثبات تک زندہ رہیں گے۔ یہ بات ہمارے لیے باعثِ فخر ہے کہ قائداعظم ہماری قوم میں پیدا ہوئے اور ہم نے ان کی بے مثل قیادت میں پاکستان حاصل کیا۔‘‘

بھارت کے وزیراعظم مسٹر جواہر لال نہرو نے ایک تعزیتی پیغام میں کہا کہ قائداعظم محمد علی جناح کے انتقال سے جو عظیم نقصان پاکستان کے عوام اور پاکستان کو پہنچا ہے، اس پر بھارت کے عوام، میرے رفقاء اور میری جانب سے دلی تعزیت اور ہم دردی قبول کیجیے۔ بمبئی کے وزیراعلیٰ اور قائداعظم کے دوست پی جی کھیر نے کہا کہ محمد علی جناح تاریخ ساز شخصیت تھے۔ ان کی قوت فیصلہ، خوداعتمادی اور بے مثال وکالت نے ان کو ایک قابل رشک راہ نما بنادیا تھا۔ ان کی موت ہم سب کا اجتماعی نقصان ہے۔

انداز گفتگو

ہم مختلف مَقامات پر مختلف لوگوں سے بات چیت کرتے ہیں لہٰذا ہماری گفتگو بھی مختلف اور بہتر ہونی چاہئے۔ اپنی گفتگو کو بہتر بنانے کے لئے ہمیں کچھ باتوں کو اپنانا پڑے گا اور کچھ چیزوں سے بچنا ہو گا ۔

وہ باتیں جو گفتگو کو بہتر بناتی ہیں۔ اگر آپ چاہتے ہیں کہ آپ سے عزت سے بات کی جائے تو آپ کو بھی اپنی گفتگو میں دوسروں کو عزت دینی ہوگی ، اس کی مِثال یوں سمجھئے کہ ربڑ کی گیند کو جتنی قوَّت سے دیوار پر مارا جائے اُسی رفتار سے واپس آتی ہے ۔٭ بولنے کی رفتار بھی اپنا اثر رکھتی ہے اگر رفتار زیادہ تیز ہوگی تو دوسرےکو الفاظ کم سمجھ میں آئیں گے اور اگر رفتار بہت کم ہوگی تو آپ کے منہ سے نکلنے والے الفاظ کا  انتظار  کرتے کرتے دوسرا اُکتا جائے گا ،لہٰذا اَوْسَط رفتار سے بات کرنا مُناسِب ہے۔ ٭ بولنے میں بلا شُبَہ زیادہ محنت نہیں ہوتی صرف زبان ہلانی پڑتی ہے مگر زبانیں صِرف رَس نہیں اُنڈیلتیں  زہر بھی اُگلتی ہیں،نَرْم گفتگوآپ کا وَقار بڑھا دے گی اور تَلْخ گُفتگو آپ کی قَدْر گھٹا دے گی۔٭بہترین چائے(Tea) اگر گندے کپ (Cup) میں پیش کی جائے تو اس کی اَہَمِّیَّت (value)گِر جاتی ہے،گفتگو اگر چائے ہے تو لہجہ اس کا کپ ہے، ہما را لہجہ سننے والے کے قَلْب و ذِہن پر ہمارے لفظوں سے زیادہ اَثَر ڈالتا ہے،لیکن لہجہ حقیقت کے قریب ہوبناوَٹی نہ ہو،کیونکہ بناوٹی لہجہ  لوگوں کو سمجھا دیتا ہے کہ آپ وہ نہیں ہیں جو نظر آنے کی کوشش کر رہے ہیں۔ ٭پُرسکون لہجے کا استعمال، سمجھنے اور سمجھانے میں مددگار ہوتا ہے،چنانچہ اچھی سے اچھی گفتگوبھی اگر خراب لہجے میں کی جائے تو سننے والے کو ناگَوار گزرے گی۔ دورانِ گفتگو اپنی آواز کے اُتار چڑھاؤ پر نظر رکھئے،لوگ جلدی آپ کی بات سمجھ جائیں گے، آواز کی بُلندی و پستی آپ کی بلندی وپستی کا سبب بن سکتی ہے۔٭ہوائی باتیں کرنے سے بچیں، اس سے  شروع شروع میں آپ کو لوگوں کی توجہ تو مل جائے گی لیکن بعد میں آپ کی باتیں قابلِ بھروسا نہیں رہیں گی،جوبھی دعویٰ کریں اُس کے لئے آپ کے پاس کوئی  دلیل یاحوالہ ہونا چاہئے۔٭الفاظ کا مناسب اِستِعمال آپ کی گفتگو میں جان ڈال دیتا ہے۔

(فرضی حکایت)ایک بادشاہ نے خواب دیکھا تو تعبیر بتانے والوں کو بلایااور اپنا خواب سنایا ، ایک نے کہا:اس کی تعبیر یہ ہے کہ آپ کا بیٹا،پوتا اور پڑپوتا آپ کی نظروں کے سامنے مریں گے،بادشاہ کو یہ سُن کر بڑاغصہ آیا اور اُسے قید میں ڈلوا دیا ، پھر دوسرے سے تعبیر پوچھی تو وہ پہلے شخص کا حال دیکھ چکا تھا اس لئے دوسرے الفاظ استعمال کرتے ہوئے کہنے لگا:آپ اپنے بیٹے ،پوتے اور پڑپوتے کی تاج پوشی کی رَسْم اپنی آنکھوں سے مُلاحَظہ فرمائیں گے،بادشاہ اس کی بات سن کر خوش ہوا اور اسے اِنعام واِکرام سے نوازا۔غور کیجئے کہ دوسرے کی تعبیر پہلے سے مختلف نہیں تھی صرف الفاظ کا فرق تھا کہ بیٹا فوت ہوگا تو پوتے کی اور پوتے کا انتقال ہوگا تو پڑپوتے کی تاج پوشی ہوگی ۔ لیکن پہلے کو اپنے الفاظ کی وجہ سے سزا ملی اور دوسرے کو مناسب لفظوں کے اِنتِخاب نے اِنعام دلوا دیا۔

چنانچہ’’کھالو‘‘کی جگہ’’کھالیجئے‘‘،’’میرا فیصلہ یہ ہے‘‘ کی جگہ ’’میری رائے یہ ہے‘‘،’’میں یہ کہہ رہا تھا‘‘کی جگہ ’’میں یہ عرض کررہا تھا‘‘، ”مجھے تم سے کام ہے“ کی جگہ ”مجھے آپ سے کچھ کام ہے“ یا” آپ کو تھوڑی زَحْمت دینی ہے“،’’اندھے‘‘کی جگہ”نابینا“،’’بوڑھے‘‘کی جگہ ’’بُزُرگ‘‘ ،’’فلاں مرگیا‘‘ کی جگہ ’’فلاں کا اِنتِقال ہوگیا‘‘، ’’کیوں آئے ہو؟‘‘کی جگہ’’کیسے تشریف لائے؟‘‘ ، ’’مصیبت میں پڑگیا“ کی جگہ ’’آزمائش میں آگیا‘‘،’’آپ غلط کہہ رہے ہیں ‘‘ کی جگہ ’’میری ناقص رائے یہ ہے کہ یہ بات اس طرح ہے ‘‘،’’آپ میری بات نہیں سمجھے ‘‘کی جگہ ’’شاید میں اپنی بات سمجھا نہیں پایا‘‘وغیرہ استعمال کیجئے اور اس کے فوائد اپنی آنکھوں سے دیکھئے ۔٭مخاطب کا نام لے کر اس سے بات کرنا،اَجنبیت کو کم کرتا اور گفتگو میں سامنے والے کی دلچسپی بڑھا دیتا ہے٭ زبان سامنے والے کے منہ میں بھی ہے ،یہ پیشِ نظر رکھئے اور اس کی بھی سنئے   کیونکہ گفتگو اسی کا نام ہے کہ کبھی ایک بولے اور دوسرا سنے تو کبھی دوسرابولے اور پہلا سنے ۔اگر آپ اپنی ہی سناتے چلے جائیں گے تو وہ دوبارہ آپ کو دیکھتے ہی راستہ بدل سکتا ہے ۔

وہ چیزیں جو گفتگو کو غیر معیاری بناتی ہیں:اندازِ گفتگو کسی حد تک انسان کی چھپی ہوئی خوبیوں اور خامیوں کو ظاہر کردیتا ہے،اس لئے اِن چیزوں سے بچئے:٭گھبراہٹ میں بندہ اپنی بات بہتر طریقے سے نہیں سمجھا سکتا ،پہلے خود کو پرسکون کیجئے پھر گفتگو کا آغاز کیجئے۔ ٭’’ہاں تو میں کہہ رہا تھا ‘‘ ’’دیکھا نہ‘‘ ’’آپ میری بات لکھ لو ‘‘وغیرہ تَکِیہ کلام کی کثرت سامنے والے کی بَورِیَت کا سبب بن سکتی ہے، اس سے پرہیز کیجئے۔ ٭زبان کے ساتھ ساتھ ہاتھ پاؤں کا استعمال بھی بعضوں کی عادت ہوتی ہے ، کبھی اس کے کندھے پر ہاتھ رَسِید کریں گے تو کبھی ہاتھ بڑھا کر فرمائش کریں گے:’’دے تالی‘‘یہ باوقار لوگوں کا انداز نہیں ہے،اس سے بچئے ۔٭’’میں کسی کے باپ سے نہیں ڈرتا‘‘،’’میں اُس کو کھری کھری سناؤں گا‘‘ایسا کرنے والے کو سامنےسے بھی کھری کھری سننے کو ملتی ہیں ،آپ یہ انداز اختیار نہ کیجئے ، گولی کی کڑواہٹ کم کرنے کے لئے بعض اوقات اس پر شوگر کوٹنگ(Sugar Coating) کی جاتی ہے ، لہذا بات کی کڑواہٹ کم کرنے کے لئے نرم الفاظ کا انتخاب اچھی حکمتِ عملی ہے ، آپ بھی اسی کو اِختِیار کیجئے ۔٭ بعض لوگ اتنی دھیمی آوازمیں گفتگو کرتے ہیں کہ  خود بولتے ہیں خود ہی سمجھتے ہیں ، اگر بات کسی دوسرے سے کرنی ہے تو اتنی آواز سے بولئے کہ اس کے کانوں تک پہنچ جائے ۔٭اُوٹ پٹانگ باتیں کرکے ہر محفل کی رونق بننے کی خواہش نہ پالئے کہ ایسا کرنے والے کو اچھی نظروں سے نہیں دیکھا جاتا۔ اللہ کرے ہمیں صحیح بولنا آجائے ۔اٰمین بِجاہِ النَّبِیِّ الْاَمین صلَّی اللہُ تَعَالٰی عَلَیْہِ وَاٰلہٖ وَسَلَّم

آہ ! ڈاکٹر رتھ کتھرینہ فائو

،،حکم ہمارا چلتا ھے،،

جنتی اور جہنمی ہونے کی ٹکٹیں ھم بانٹ رھے ہیں
،،کوئی جنت بھیجنے پہ بضد ھے ،اور کوئی دربان بن کے دروازے پہ روکے جارھا ھے،ھم وہ ہیں جن کو ساری دردیں کسی کے مرنے کے بعد ہی اٹھتی ہیں ، آہ ،، رتھ کتھرینہ فاو ،،اب تواس دنیا میں نہیں رہی،ہمیں اب تیری فکر کھائے جارہی ہے ۔ آج تیری فکرکرنے والوں کو پتہ بھی نہیں ہو گا۔ کہ تو نے اپنی زندگی کے آخری ایام کیسے گزارے ہیں ، حالانکہ تونے ستاون 57 سال ہمارے درمیان گزارے ہیں۔۔۔۔۔ مگر تیرادرد نجانے آج کیوں جاگا ھے۔ 
آج فیس بکی محققین کو درد اٹھ رھا ھے ، آج مرنے والی کو جنت میں زبردستی بیجھنے پر بضد ہیں ، کل تک وہ زندہ تھی ۔ تو درد نہیں جاگا ۔ کاش کوئی اسلام کی طرف بلا لاتا، مگر تمہیں تو فیس بک نے سکھایا ہے ، زندہ پہ لعنت بیجھو ، مر جائے جنت بیجھو، ہم ایسی قوم ہیں ،بھٹو زندہ تھا تومارنے پہ بضد تھے،،مر گیا تو زندہ کہنے پہ بضد ہیں۔۔ آپ کی مرضی جس کو جہاں چاہےبیجھو!
(ایک یہ کہتا ہے۔)
ڈاکٹر رتھ فاو۔۔۔ یہ تھی مریم ۔۔ قوم کی بیٹی۔۔ قوم کی ماں ۔۔۔ اللہ غریق رحمت کرے۔۔ جو انہوں نے کیا۔۔ یہ ہے پاکستان کی اور انسانیت کی خدمت۔۔
(دوسرا کہتا ہے۔)
اللہ تعالی ان کے ساتھ اپنی خصوصی رحمت اور عافیت کا معاملہ فرمائے ۔آمین
(تیسرا کہتا ہے۔)
آہ ڈاکٹر رتھ کتھرینہ فاؤ ! آج اس عظیم انسان کیلیے دل کی گہرایئوں سے مغفرت کی دعا۔۔
میں یہ کہتا ہوں کیا یہ کہنا (ڈاکٹر رتھ فاو) کی عظمت کو اجاگر نہیں کرتا۔
تیرے احسان بیاں ہو جائیں ایسے الفاظ کہاں سے لاؤں۔(آہ ڈاکٹر رتھ فاؤ)
یہ بھی کہا جا سکتا ہے۔!
آہ ڈاکٹر رتھ فاو! سچی خدمت خلق کا ایک باب ختم ہوا۔ ڈاکٹر رتھ فائو ! کوڑ کے متاثر مریضوں کیلئے مسیحہ تھی ۔ ڈاکٹر رتھ کی ساری خدمات جو کوڑ کے مریضوں کی خدمت اور بحالی کے سلسلے میں کی گئ تھیں، اور پاکستان سے کوڑ کے خاتمہ کرنے کیلئے انہوں نے کی تھیں انکو ہمیشہ یاد رکھا جائے۔ 
آنجہانی ڈاکٹر رتھ فاؤ کی انسانیت کے لیئے خدمات ناقابل فراموش ہیں۔ بلاشبہہ پاکستان میں ان کی خدمات کو برسوں یاد رکھا جائے گا۔ حکومت پاکستان نے بھی ان کی خدمات کے عوض انہیں بہت سے ملکی ایوارڈز سے نوازا۔ جن میں 
٭ ستارہ قاعد اعظم
٭ ہلال امتیاز
٭ ہلال پاکستان
٭ جناح ایوارڈ
٭ نشان قاعد اعظم 
٭ ڈاکٹر آف سائنس (DSc) آغا خان یونیورسٹی کراچی 
شامل ہیں۔
مذہب کے حوالے سے آنجہانی ڈاکٹر رتھ فاؤ کا تعلق عیسائی فرقہ کیتھولک سے تھا (لیکن کسی ایک نے پروٹسٹنٹ لکھا) 
! لیکن!
یہ یاد رکھیے ! جن کے پاس ایمان نہیں ،آخرت میں ان کا کوئی حصہ نہیں کیونکہ آخرت میں ان اعمال کے نافع ہونے کے لیے ایمان لانا ضروری ہے !
اللہ عزوجل کی وحدانیت پر ایمان 
اللہ عزوجل کے مبعوث کردہ تمام کے تمام انبیاء و رسل بالخصوص ختم الرسل ﷺ پر ایمان 
اللہ عزوجل کی نازل کردہ کتب و صحائف بالخصوص قرآن حکیم پر ایمان 
اللہ عزوجل کے فرشتوں پر ایمان 
تقدیر پر ایمان 
روز آخرت پر ایمان !!!!
تب جا کر دنیا میں کیئے گئے اعمال حسنہ آخرت میں بھی کام آئیں گے !!!
اللہ کے رسول کا فرمان ضرور سن لو ! 
حاتم الطائی(تاریخ انسانیت کا مشہور سخی) اس کی بیٹی سفانہ جب قیدیوں میں قید ہو کر آئی تو رسول اکرام ﷺ کے سامنے کھڑی ہو کر رہائی کی درخواست کرتے ہوئے کہنے لگی ’میرا باپ ،قیدیوں کو آزاد کراتا تھا ، لوگوں کے حقوق کی حفاظت کرتا تھا ، مہمان نواز تھا ،اور مصیبت زدہ کی پریشانیوں کو دور کرتا تھا ، کھانا کھلاتا تھا ، اس نے ضرورت مند کو کبھی خالی نہ لوٹایا‘ تو رسول اللہ نے فرمایا یہ صفات تو مومن کی ہیں ’تیرا باپ اگر مسلمان ہوتا تو ہم ضرور اس پر رحمت بھیجتے (یعنی بخشش و مغفرت کی دعا کرتے)‘ اور فرمایا اس کو چھوڑ دو کیوں کہ اس کا باپ مکارم اخلاق کو پسند کرتا تھا ۔

آخر میں یہ کہنا چاہتا ہوں کہ کچھ باتیں اللہ پر چھوڑدیجئے کیونکہ جنت و جہنم کے فیصلے اللہ نے کرنے ہیں ھم نے نہیں ،، اللہ کے رسول ﷺ کی احتیاط دیکھیے حاتم طائی کے بارے میں دعا نہیں مگر جہنمی بھی نہیں کہا